Dyn tillefoan, dyn libben
Wat is ‘t doch altyd boeiend om te sjen hoe’t de marketingmasine fan Apple wurket.
As konsumint wurdst normaalsprutsen deamitere mei teasers en promoasjes wannear’t in nij produkt lanseart giet wurde, mar net by it hippe elektronicabedriuw út Californië. Sy prebearje it krekt sa stil mooglik te hâlde rûnom ‘e lansearing fan bygelyks de oankommende iPhone 5; oft dochs net?
Rûnom ‘e lansearing fan nije Apple produkten is it altyd in drokte fan komsa binnen de rabberijmasine dy ‘t ynternet hyt. Tûzenen pûstenknjpende fanboynerds fiede fanút harren ôflûkbunkers it rabbelerijmeunster mei selsverzonnen geroften en falske ûntwerpen. Serieus, guont fan dizze verzonnen ûntwerpen sjogge d’r sa profesjoneel út dat it bêst wol foar betizing soargje kin. Wat in ôfgryslik kutlibben moattest dan wol net hawwe, ast kullerijsketse giest meitsje yn ‘e hoop dat dy’t foar alteraasje soargje, ach…
Hjir komt dus de krêft fan Apple nei boppe. It bedriuw hat sa’n trouwe, sekte-achtiche fanbase dat it bedriuw sels frijwol neat hoecht út te jaan ta promoasje fan har nije produkt. Tsjin ‘e tiid dat de nije iPhone útkomt is d’r al safolle oer skreaun en optocht dat eltsenien it tastel wol MOAT hewwe om te sjen wat d’r allegearre fan wier is. Mar soe Apple dizze “fanboys” betelje foar dizze geweldige promoasjediarree dy’t se útstoarte oer it internet? Wierskynlik hawwe dizze nerds gewoan gjin libben. Útsein harren tillefoan dan. Lit dy iPhone 5 mar gau komme, dan kinne dizze minsken ek wer ris ûnderfine wat sinneljocht is. Oft is de nije iPad al ûnderweis?
